睇樓記

朋友想換樓，尋日同佢去睇示範單位，對上一次睇示範單位已經係三年幾前，o個時o的示範單位已經呃得好勁，今次去都係一樣：樓底十三呎、主力牆變玻璃、睡床得五呎半長、洗面盤得八吋深，既然示範單位無示範作用，咁就由平面圖出發！

幾年前整左個用平面圖計大細同設計放傢俬o既網，因為地產商、地產代理同一陣線，為左做生意乜都可以呃你，所以要知間屋實際有幾大唯有靠自己；平面圖呢樣野白紙黑字無得呃人，只要知道比例，就知道間屋實際上有幾大。