你在 XYZ 測驗中代表 ...

這陣子的 facebook 只是一個「亂」字，某作者一下子創作了一批改了名字套點新資料就作為一個新 apps，所以 news 內便充斥著一堆堆的測驗，而 facebook 卻只可以一個個 apps 隱藏，所以每天上 facebook 的首要任務是把新的 apps 一個個隱藏起來。

在把 apps 隱藏起來時卻發現了一個有趣的現象，姑勿論測驗結果是否正確，玩測驗的朋友只會玩自己有興趣的測驗，因此可以推斷：

Jacky 喜愛歷史人物
芒妹喜愛小丸子卡通
XX 關心何時可以拍拖

而以此推測，最匪夷所思的是．．．

YY 關心自己是否電車男

假如關燈一年

關燈一小時的行動是為了令大家關心環保問題，效用有多大當然不言而喻，假如關燈一年會怎樣？你又知道嗎？

上星期計過我的碳足印是每年 5 噸，假如我關燈一年的話，就可以減少約 1 噸，這個做法似乎不可行而效果亦不顯注。但假如你有計算過碳足印的話，你可能會發現坐飛機到泰國或韓國旅遊所排放的碳量已超過 1 噸。換句話說只要每年少去一次外遊，你的減碳量已比起關燈一年為多！

我不是要說服你不去旅遊，而是假如你習慣每年去數次外遊的話，可以試試改變模式，每次旅遊時間長一點，去的次數少一點，就是這個少少的改變，你便可大聲地向親友說：「我為環保所出的力量比起全年關燈還要多」！

「竊取和浪費他人時間的人應該受罰的」－－Dale Carnegie

W = M - T

W = WORK
M = Money
T = Time

即是說, 工是使用自己的時間來換取金錢。

這兩天做了一件極無聊的工作, 話說要重新計網頁, 由於未有內容, 所以上星期只在版面上設計框架, 其中月份一項寫上 '三月' , 今天另一部門的同事說數日後會加上二月的內容, 因此要把 '三月' 改成 '二月', 但他的卻要先做好版面, 數日後再加上內容。改字眼不是問題, 但他似乎連做事的概念也沒有, 不知道修改一次的 overhead 比起要做的事多了數倍, 為什麼不連內容一併修改? 追問他為什麼要先修改這個字眼? 只因要'預備'將來放上新內容。

原以為向他「查詢」過這些問題會學乖，今天下午又收到這位同事的電郵，要把這個等待內容的版面的 'Year 2009' 改為 '2009'．．．工是就是使用自己的時間來換取金錢, 不要深究是否在浪費時間。

5.01

呢幾日睇報紙同 road show 講環保，其實講左幾十年，問題唔係大家唔知，而係我做你唔做都係無用，我相信結果係都全世界人都頂唔順至會做野。

不過 road show 又講到有個碳排放計數機，玩落幾得意，可以知到自己係咪高消費人士，好似 lo lo 咁講，做到幾多就做幾多啦，好過一o的野都唔做。

碳排放計數機

兩菜一湯

想寫左幾日，但屋企寬頻壞左寫唔到。話說前幾日有位小妹妹因為飯菜比同學差所以要自殺，咩菜呢？紅衫魚、雞翼、魚蛋菜湯飯，睇完之後滴晒汗．．．因為我平時食o既菜仲「差」過佢，今日晏晝係番茄茄子飯，夜晚只係加多幾片豆腐。

小妹妹細個唔識諗都正常，最離譜係個阿媽都唔識諗，個阿媽係新移民，我諗佢以前響鄉下都唔係餐餐大魚大肉，但佢竟然認同個女講飯菜差！我唔歧視新移民，就算知識不足，常識都有餘喇呱？所以我相信個女之所以咁諗係因為o的家長自細比o左錯誤o既價值觀個女。

面對失敗的家庭，失敗的家長，小妹妹點樣可以做個有用o既人？

回味 (II)

又去找尋失落了的藍山咖啡，據說現在香港只有兩處有正統的藍山咖啡，週末就去了其中一處，怎知侍應說現在已沒有賣。星期天去了 pokka cafe，當然也不少得藍山咖啡，質素比 UCC 好，可是仍然是差一點點什麼似的。

每一次的期待帶來每一次的落空，以往的經歷令我們作出比較，不論是否刻意，心底還是自自然然的批判一番。在咖喱物語嚐的第一杯咖啡只是普通的蒸溜咖啡，可能真的很好，可是隨著時日過去，我已無法判斷跟自家即磨的有什麼分別，結果這種美好只會留在回憶中，時間過得越久，回憶就越來越完美，對於一次又一次的新嘗試只會覺得越來越不是味兒。

這陣子的自家即磨用的是肯亞的小莊園咖啡，雖然沒有藍山的那種回甘味，但咖啡味奇皆，因此我相信每一杯咖啡都有它的性格，堅持找尋一杯已失落的咖啡是就如海市蜃樓一樣，當堅持到了盡頭，就要放開懷抱，因為在藍山之外有無窮無盡的一片天。

學習怎去愛

前數天媽媽與友人通電話，我覺得她的說話帶著一點悔氣和倔強，多年來她的說話也是這個模樣，但今次卻覺得特別強烈，突然間我有一種害怕的感覺，害怕我對朋友說話亦是這個模樣。

後來我細想，在成長時我看不到什麼是愛、怎樣愛一個人，包括你的家人、你的朋友，而這兩年間我卻感受到不同朋友間的愛，待人可以如此這般，對照起來，便發覺和家人的相處就是欠缺了這種滋潤。

十多年前覺得自己的聲音太厚，所以說話時加點娘娘腔，而現在才發現真正缺失的是這種感覺。

回味 (I)

沖左幾個月咖啡，仲未沖到以前去飲的o個種味道，總係差一o的o的，尋日去銅鑼灣 UCC 食飯，叫o左杯藍山一號，味道比起尖沙嘴o個兩間好，但比起最好飲o個兩次仲差o的，不過己經唔係好記得最好飲o個兩次有幾好飲了。試完咖啡，跟住試下就咁飲佢o的奶，只係普通奶o者，無咩特別，即係唔用特侖蘇都得，咖啡味就似乎我用的肯亞豆更好。

當初飲到o個種「回甘」味」到底仲有無機會試到呢？呢種味道而家只留在心裡。

肚仔痛

好耐未試過肚仔痛，今朝響公司食完個早餐（細芝士飽）過左兩個鐘就肚痛，以前肚痛解放後就無事，但今次解放完後仲痛，個肚已經無晒野點解會痛 ... -_-!

lunch time 諗住唔食飯等個肚休息下，但發覺有o的虛脫，因為朝早食o既已經解放o左，仲邊有力呢，唯有食埋個飯，結果下晝又解放多次。放工後買定排益力多做飯後特飲，以前試過止痾好得！希望今次唔會好似十幾年前咁腸胃炎痾o左成個月先好番啦。

一美元上的是誰？

尋日同朋友坐的士，因為佢響外國返來無港紙，所以就比左張一蚊美金我，令我諗起貧民富翁個主角點解知道一百蚊紙上面係邊個o既故事。一套感覺強烈的電影，又係講面對貧窮生活o既故事，比起上年的 CJ7 同前幾年的 persuit of happiness 所面對的仲慘，事實上我相信響好多發展中國家過緊呢種生活o既人比比皆是，戲裡面就大團圓結局，現實就可能萬中無一，所以能夠生活響香港，唔使擔心無瓦遮頭，又唔使擔心無飯開已經係好幸福o既事。

提外話，如果呢班響銀紙上出現o既總統仲在生的話，唔知應該開心定唔開心，開心係因為呢幾十年間佢地個樣係咁加印，唔開心係佢地每日都眨緊值，越來越唔值錢。

梅菲的毒咒

今日下晝約左 vendor 整野, 個 procedure 話要 download 個 file 放響 server 度, 我諗住 download 定, 但 down 唔到, 所以就問 vendor, 佢話佢會帶來。呢個時候我已經有疑問佢帶來點放落部機呢? 因為係第一次同呢個 vendor 落 site, 所以就信佢o既 expertise。

到左今日, 一切諗得到o既問題都發生晒, 佢帶隻手指來, 但部 server 唔食指的, 用另一部機抄, 又無 tools 可以抄過去 ...

梅菲, 你好得, 又學到野了: keep everything clear at first moment!

食滯o左

呢排早餐經常食的係美心的芝士三角，佢係一件約 20cm x 25cm 的芝士飽，入面有好多車打芝士，食完呢個飽通常到 lunch time 都唔會肚餓。

上個禮拜四件芝三角o既芝士竟然比平時多好多，結果食完之後肚漲到 lunch，食滯o左！已經好耐無食滯，因為食齋食好多都只會覺得飽，唔會有「頂住個胃」o個種感覺，但今次個芝三角實在太勁，所以搞到 lunch 都無食直到夜晚。

呢幾日就乖乖地買返o的正常 size o既芝士飽做早餐，九點幾食完，到十一點幾就見肚餓，點解唔整o的中間 size o既呢？

懶蟲是會越養越大的

原本諗住上個禮拜頭去跑步，維持一個禮拜一次，同每日都響屋企沖咖啡，不過拖下拖下就拖左成個禮拜

星期一：同朋友食飯
星期二：打喪屍
星期三：同朋友食飯
星期四：買送煮飯，搞下搞下又好累
星期五：同朋友食飯，之後又打喪屍
星期六：之前一晚打得「早」得滯，精神狀態唔好（勉強跑的話好易瘁死o架）

就係咁拖左六日，到左星期日終於的起心肝，仲做左好多野，食完 lunch 就沖咖啡，之後去公園睇書，買送煮飯啦，洗衫啦，到夜晚就終於落去跑，返到屋企再 send 個拖左成個禮拜o既 video 比朋友，突然間覺得成個禮拜過得最充實的係呢日。