食滯o左

呢排早餐經常食的係美心的芝士三角，佢係一件約 20cm x 25cm 的芝士飽，入面有好多車打芝士，食完呢個飽通常到 lunch time 都唔會肚餓。

上個禮拜四件芝三角o既芝士竟然比平時多好多，結果食完之後肚漲到 lunch，食滯o左！已經好耐無食滯，因為食齋食好多都只會覺得飽，唔會有「頂住個胃」o個種感覺，但今次個芝三角實在太勁，所以搞到 lunch 都無食直到夜晚。

呢幾日就乖乖地買返o的正常 size o既芝士飽做早餐，九點幾食完，到十一點幾就見肚餓，點解唔整o的中間 size o既呢？