兩菜一湯

想寫左幾日，但屋企寬頻壞左寫唔到。話說前幾日有位小妹妹因為飯菜比同學差所以要自殺，咩菜呢？紅衫魚、雞翼、魚蛋菜湯飯，睇完之後滴晒汗．．．因為我平時食o既菜仲「差」過佢，今日晏晝係番茄茄子飯，夜晚只係加多幾片豆腐。

小妹妹細個唔識諗都正常，最離譜係個阿媽都唔識諗，個阿媽係新移民，我諗佢以前響鄉下都唔係餐餐大魚大肉，但佢竟然認同個女講飯菜差！我唔歧視新移民，就算知識不足，常識都有餘喇呱？所以我相信個女之所以咁諗係因為o的家長自細比o左錯誤o既價值觀個女。

面對失敗的家庭，失敗的家長，小妹妹點樣可以做個有用o既人？