Breakthrough the habit used to be ...

前幾日我部「華碩 hang 機王」手機終於再次死直；話說呢部機響幾年前買o左只係一個禮拜o既時間，就被我玩到 hang 左，係 hang 到拆電都唔得o個種，拎去整之後我唔敢再玩了，前幾日響 set 鬧鐘時再次 hang 過，但係買o左幾年，咩保養都過晒，唯有買過部手機。

由於我部 palm 已經死左大半，所以我呢幾個月一路都諗緊換過部 PDA phone，唔使日日拎住兩部機出街，不過 PDA phone 對於我呢o的窮等人家來講實在太貴了，所以一直都係得個諗字；但係今次因為電話壞o左，就唯有死死氣氣買部．．．$3780 好貴呀～～～

另一個原因唔想買 PDA phone 的原因係新機通常用 Windows Mobile，用開 palm o既人一定唔鍾意用，因為 palm 非常 user friendly，由按鍵到輸入法都非常捧，一個字：「讚」！！所以決定買機時都對部新機無太高期望。

呢幾日好忙，都唔得閒理部機，今日終於響屋企玩左幾個鐘，越玩越覺得唔係太差；palm 機最實用的地方係有 ４ 個 hard key，一按即開 Todo list，memo pad 等，WM 機無，原本以為要出 menu 揀，要揀自然好慢，後來發現都可以 set shortcut，不過最快的方法要按三個鍵，雖然比「一按即開」慢，但相信習慣後不成問題。

其他的工具都可以搵到代替品，相信用落一排後會熟習好多，如果 palm 的介面值一百分的話，WM 都值九十分，以呢兩日o既操作來講，相信我唔會回歸 palm 的世界了。