免費娛樂

如果唔得閒時聽到o既推銷電話通常會即 cup 線，但得閒時如果有心情我都會同o的 Sales 搭下嗲，話說而家上網同固網都係和記。今日收到佢地o既推銷電話．．．

Sales：多謝你用和記o既寬頻，為左搭謝你，所以有一個優惠o既固網服務送返比你

我：係？（心諗：下？我用緊o架喇喎？玩下先．．．）

Sales：而家只要簽 24 個月約，其中o既 18 個月會送返比你，即係話平均 $38 一個月

我：係？（我簽o左啦．．．）

Sales：仲包埋來電顯示同來電待接o架，你話係咪好抵？

我：係．．．（唔係都唔 join 啦）

Sales：和記o既固網同電盈一樣行光纖，質素一樣添o架

我：係．．．（關光纖咩事，係咪想講唔係 IP Phone ？）

Sales：先生你而家用緊咩公司o既固網電話？

我：和記囉（哈哈．．．）

Sales：和記？睇下先．．．係喎，你係舊年 12 月 join o架喎

我：係呀

Sales：咁對唔住喇，之前同事寫得唔清楚添，對唔住

我：唔緊要，拜拜（咁鬼好禮貌o既？唔通知道我玩佢？XD）

不過同 Sales 玩一定要適可而止，有o的 Sales 好小器，唔玩得。