現實就是 Matrix 的世界

香港行聯匯，所以就要買美金先可以發行港元（如果唔係就被人衝擊）；而好多國家就用美國債券做儲備；問題係：呢o的美金同美國債券係點得來的？

美國債券就係美國政府發出，每年比番 5%（假設）美元利息你，而美金就係「美國債券換比聯儲局發行的貨幣」，咁即係話：

如果美國政府要錢使的話，佢會賣o的債券比聯儲局，咁聯儲局就會印美金出來，就因為咁，全世界o既美金就越來越多，錢多左即係通貨膨脹，呢o的印出來o既美金o既受益者只係美國政府，而香港因為長期 hold 住美金，就因為通脹而變得越來越少。

如果每個橙一蚊，原本全球得一百蚊美金，而香港有十蚊的話，即係香港可以買到十個橙；如果美國印多左一百蚊，令到全球有二百蚊美金，咁每個橙就升到兩蚊，香港只可以買到五個橙，但係美國政府因為印多左一百蚊，所以可以「免費」得到五十個橙！呢五十個橙入面其實有五個原本係香港的！

最詭譎的係．．．債券要比利息，利息用美金支付．．．咁即係話，假如美國債券要比 5% 利息的話，只要每年美國政府發的債券係流通債券的 5% 的話，佢已經唔使比利息！

當認識到點解美國會由聯儲局（聯儲局係私人公司，唔係政府機構）發美金，點解唔行金本位，好有理由相信香港之所以行聯匯，分分鐘都係英美 banker o既謀略！

以前只係當笑話咁講：

某麵包店有優惠，買一個包可以得一個印，儲滿十個印就可以換一個包，而隔離舖為左爭生意，又唔想開支大左，於是就偷換概念：買一個包可以得一個印，儲滿十個印就可以換一個印。