以物易物

響 facebook 度見到個廣告寫「以物易物」，入去八卦下，真係以物易物喎，你只要將你唔要o既野 post 出來，人地就會將想同你交換o既野 post 埋出來，o岩的話就可以交易。

我睇完之後忍唔住笑左出來，omg，廿一世紀竟然仲以物易物，仲要用最潮o既互聯網來換野，救命！你覺得一部 PSP 值幾錢？有人就用 PS1 加上廿隻遊戲碟來換；你覺得呢部 PS1 同廿隻碟值幾錢？如果係限量版的話可能貴過部 PSP，如果係廿隻垃圾 game 的話一分錢都唔值，但係如果你係垃圾愛好者的話呢廿隻垃圾 game 又可能升價十倍。

以物易物最顯淺o既問題係中間無一個共通的語言來定價，我想比你o既未必係你想要o既，你覺得值咁多錢o既分分鐘有好多人覺得值錢好多，就係因為咁先至要用金錢呢樣共通語言來定價，樣樣野都價高者得，咁至係行之有效o既方法。到底係咩人咁有頭腦仲咁有錢整個咁靚o既網站就不得而知（佢個網無講），但好明顯幫佢整網o個個人一定係收錢唔係收物件。

當笑話睇都幾好笑：「以物易物的好處，是把交易回歸最原始最簡單的方法。只要睇啱貨品，拿出物品向對方提議交換，雙方同意後交易即可完成。由於過程不涉及金錢，交易雙方無須討價還價，亦不必像拍賣網等待拍賣時段結束才獲確認成交，更不用為十元八塊與其他競投者拉据一段時間才能覓得心頭好。相比起來，以物易物的交易過程更為快捷、方便。」