火車奇遇記

頭先搭火車返屋企，中途有人按緊急掣，原因係有位師奶將成 pack 雞蛋放上凳度，就算非繁忙時間都無位坐，何況係繁忙時間？所以有個姐仔就要阿師奶拎開，初而口角，繼而動武，阿師奶打左個姐仔一下之後就按緊急掣話被人打，到站之後就同埋人證男三個一齊落車。

落車後阿月台長一時間分唔清邊個「打」邊個，而阿證人男就拎部手機出來影左阿師奶一張相，跟住阿師奶竟然騰雞起上來用條絲巾包住塊面然後掉頭走，於是月台長同阿姐仔就追佢。證人男見勢色唔對就拿拿林入返火車同一眾同路人分享呢個奇遇。

如果你係證人男，你又會點做？