氣管回歸

三個禮拜前中招感冒, 其實好輕微, 只係小小鼻水, 食左兩日幸福傷風素之後就無事, 但係不幸的係鼻水倒流落左喉嚨, 第二日覺得喉嚨痛, 已經知大鑊了.

結果好似舊年咁, 氣管敏感乾咳左兩個幾禮拜, 乾咳好難好, 醫乾咳的藥又有好大副作用 (會上癮o架 ...), 所以都係由佢自已好啦.

乾咳 ... 最大問題係返工放工都要帶口罩, 某o的時刻咳到標眼水停唔到, 好彩仲未因為咁被人鬧過, 到訓覺時又好難至入睡, 好彩經過上年o個次, 知道兩個禮拜至好得番, 可以疊埋心水由佢咳飽佢.

因為咳, 唔可以去剪頭髮, 頭髮好長, 好唔舒服, 結果到好番即刻去剪, 竟然發現而家仲有歲晚加價呢樣野, 仲加成三成! 雖然埋單只係 $88 ... :P