爆大鑊

前日灣仔爆水渠，車龍由灣仔塞到西灣，如果仲響數碼港返工的話我諗成個 office 的人都遲大到。

尋日朝睇報紙，水務署某高官話因為路政署唔批掘地，所以換唔到水管云云；但係仔細o的睇，原來爆水管呢一截原本係打算下年年頭換的，換句話講就算唔使路政署批，都唔能夠防止到呢截水管爆裂；亦即係話個問題其實係：「典解水務署咁遲先換水管？」

傳媒就被水務署誤導o左，以為今次係「官僚問題」，「官僚問題」即係制度o既問題，無人需要揹飛，咁就將隻鑊化於無形。