每個特首總有一隻大白象

大白象又大又靚，除此之外仲有一o的共通點：

1. 貴，當然啦，白色o既大象好少有
2. 養佢一樣咁貴，大象食好多o野o架，仲要有專人服待
3. 一無是處，大白象只係養o黎睇o者，有咩用？

董伯伯當年為左同上海爭一日之長短，就起o左個迪迪尼出o黎，一日之長就比你爭到喇，之後年年蝕錢就你同我買單。

曾伯伯今日為左同地產商掙多一筆錢，就篤定起個站響西九龍，其他所有方案都唔考慮，無他o既，西九o的樓先值錢o架嘛。

高鐵起響錦上路站的話可以慳三百億，呢個數可以做咩？

1. 每個家庭派萬三蚊「慳電膽」券，係唔使加電費o個種
2. 買起西隧同東隧再起多三條海底隊道，包保過海唔再塞車
3. 起多 120000 個公屋單位，樓價即刻回落

可惜呢個做法只係你同我o既幻想o黎咋．．．