硬塑料環保行動

今日買麥當當，發現原來係無飲管日，而且仲由六月 run 到而家．．．睇完之後 recall 番今日孫柏文o既文，真的很硬．．．

以一個用家的角度來講飲管係一種無其他方法代替來飲汔水的食具；以一個消費者的角度來講飲管係一種沒有循環使用設計的食具；以一個環保份子的角度來講飲管只佔全個餐所用物料o既一少部份，以一個回收商的角度來講飲管係一種可以循環再造的物料，以一個牙醫的角度來講用飲管飲汔水可以減少蛀牙的機會，以我來講麥當當的做法只係響度派緊膠。

今日買左薯條，一杯汔水同一杯雪糕，所用物料包括：

1. 薯條盒
2. 汔水杯
3. 汔水杯蓋
4. 雪糕杯
5. 雪糕杯蓋
6. 裝薯條的紙袋
7. 裝汔水的膠袋
8. 裝雪糕的膠袋
9. 雪糕膠匙

如果麥當當因為飲管係用膠造所以唔派的話，麻煩唔好比 2,3,4,5,7,8,9；最好叫埋消費者自備購物袋，拎個碗來裝雪糕；減少用物料唔係唔好，唔該由「心」出發好唔好？而家既做法只係一個 gimmic，完全達唔到「環保」既目的；反而玩得幾日既百佳環保大行動就真係由心出發，可惜太多人素質太低，吃力不討好既野響香港唔易做。