簡單即是美

因為天氣轉涼，所以呢兩日迫於無奈要去買衫，對於絕大部份女士來講買衫係一件愉快o既事，不過對於我來講一直以來都唔鍾意睇衫同買衫。

最大原因當然是貧窮．．．錢不是萬能，無錢就萬萬不能，買少o的衫就使少o的錢。

另外，越大個就越唔鍾意太多雜物，所以呢十年來我間房o既物品係逐年遞減，有時我都會問自己係咪掉得有o的過份？不過掉晒o的無用野，從來未有後悔過掉錯野，反而家徒四壁仲覺得無壓迫感。

越大個就越對物質生活失去興趣，細個當然會有無窮無盡的願望，好似會幻想生活響一個充滿具o既房間（等於「史高捷叔叔」日日響金庫中游水一樣），大個左少少就希望有單車、遊戲機、電腦、搖控機械人．．．出o左黎做野之後，賺多o左錢卻無令到慾望無止境咁增加落去，花費模式依然停留響學生時代咁，我相信如果消費多o的，可能會感到更滿足，但花多o左o既似乎同得到o既額外滿足感唔成正比。