良性推動，落實死線

同同事們一齊開發o既 project 做左一個月，而家已經好了解佢地，同老細匯報後我話會想辦法 drive 佢地，老細o既 comment 係「良性推動，落實死線」。

同事甲：諗野清晰好多，好多問題都可以獨立處理，不過聽野唔夠專心，但已比起做完o既野要跟手尾好好多，好彩我係長氣派，講野出左名長篇大論，聽唔明？講多幾次。

同事乙：無動力做野，整幾個假狗 screen design 來 cap 圖竟然大半日至交得兩個 screen（每個 screen 得十幾個 item）；亦無自行解決問題o既動力，連好簡單o既問題都問：「乜野係 significant figure」，做 paper work 亦唔掂，響份 bug report o既「description」field 度寫「The report printing has problem」，佢究竟知唔知 bug report 要來做咩o架呢？

以目前情況睇，落實死線就一定會，分工仲要比而家仔細好多，如果唔係實爛尾；但以同事乙o既水平，講「良性推動」前應該要進行全方位再陪訓先（如果唔係咁難請人一早已經大插了．．．），聖誕節唔 drive 住，玩多個零禮拜，2008 先啦。