無氣再講

媽媽四肢麻痺，一次機會入院原本諗住可以改變佢用番正途去醫，但係返左來一排又用番自己o個套。

醫生睇完 X 光都唔夠把握至建議做磁力共震，返來份報告寫得好清楚，o的神經線根本無異樣，同你講你又唔信，跟住又搵跌打中醫睇「X 光片」，話個中醫見到頸骨有o的骨突o左出來西醫睇唔到。其一，頸骨退化同而家個問題係兩樣野，其二，份報告都有講頸骨退化，稍為讀過 biology o既都知道呢個唔係個症o既重點所以唔提咁多，其三，你信西醫睇 X 光片叻定信中醫睇 X 光片叻？如果連輕重都分唔清，我可以點幫你？

未入院前就覺得食完呢樣唔舒服，o個樣唔舒服，最後咩都唔食咁滯；入o左院無得揀有乜食乜咪食得好地地？出o左院買o的 B 雜比你補充，話o左食得多維他命 B 無副作用都唔信，而家又覺得食完成身唔舒服（話係用肉造的關係）所以唔食，咁同之前有咩分別？

來緊呢兩日會出去買樽素食o既 B12，如果仲係好似而家咁正正常常o既治療方法唔用又去長洲搵神醫我就唔再理，我已經好累了，無氣再講。