仙境與地獄

星期五因為打風，所以無啦啦多左一日假，結果連續三日玩、玩、玩！電腦展、網吧、山頂、出海，終於可以有幾日完全忘記平日o既煩惱。

玩完三日就梗係要受番三日啦，過大海交貨，問題一定有，只係當個 project 係 totally out of control 時遇到o既問題就會更有，交貨時出現o既問題更加係一發不可收拾，朝十晚一後只有一個字：累；最慘仲係第二晚個客無 quota 比房，結果要三個人一間房。由於我習慣好靜o既環境，所以對住成晚打鼻鼾o既同事根本訓唔著，相同同事們會好奇怪點解一起身已經見到我做緊公司野，唔係我想做，只係訓唔到咋。

今日返到公司已經係半死狀態，仲有好多鑊氣未清，幾時再爆？到時先算啦．．．希望可以轉到工，完左個 project 就可以抖一抖同轉換一下環境。