哈佬喂

今日去海洋公園哈佬喂，點之成日唔落雨，一入場就落 cats and dogs，有遮都無用，全身濕透。雖然有o的狼狽，但又未至於影響到玩o既心情，因為我未去過海洋公園o既哈佬喂，而我亦一直都想試下落雨淋到濕晒o既感覺，平時落雨唔會特登咁做，今次就兩個「第一次」一齊感受。

對於哈佬喂o既感覺，就好似將三色雪糕於響大大小小唔同形狀o既碟上：每間鬼屋都係咁嚇法，不過o的鬼就著唔同o既衫同間鬼屋有唔同設計；最欣賞係鬼工廠o既設計，連入口處o既「紗網」都經過細心設計，好靚！入面大型機器佈局得無咁侷促，個感覺就驚o的，不過o的鬼一係就嚇晒前面o個o的，一係就嚇後面o個o的，好少嚇我，玩o左咁多個都只係比兩隻嚇親。