我的生日禮物是 ... 請客

兩個月前諗住今年生日要靜靜的過，打算響離島搵間渡假屋住番兩日，後來因為同兩班舊同事食飯就唔到時間，結果揀o左生日前夕同正日。之前同芒妹講今年唔使搞生日，最後去o左芒妹個妹度玩o左一陣貓貓同食o左餐飯，好開心但亦好唔好意思，原來芒妹佢地對貓貓的毛毛敏感的。

正日o個日，因為之前舊老闆請o左好多次客，所以今次就請番舊老闆，生日請客，好特別的感覺，哈哈！食完飯去 Para 活動，有人派聖誕禮物，生日收聖誕禮物，感覺仲特別！

連續兩日同三 group 人見面，曾幾何時大家都係同路人，而到o左而家大家所行o既路都唔同，有個舊同事結o左婚後同老婆一齊去外國做研究，有個自己做老闆，有個去讀神學，又有個做o左海關關員；而跳 Para o既朋友就好似無乜點變，但發覺變o左o個個係我。

每個人所行o既路都唔同，當大家o既路差唔多時自自然然聚埋一齊，但到某一刻，大家o既目標已唔同就自自然然會分道揚鑣，見到舊同事，見到舊朋友，感覺上亦只係懷愐緊昔日o既經歷，過去o既事已成歷史，因此響懷愐o既時候就對「活在當下」o既感覺更加強烈。

大家都走緊唔同o既路，咁我o既路呢？