生日快樂

尋日玩左一日，好耐未試過咁開心，有睇前文都知道我係一個鍾意簡約平淡生活的人（換句話講係「清貧生活」），所以我好少講比人聽人知幾時生日，響以前的 ICQ 同而家o既 facebook 會寫．．．1 月 1 日．．．曾幾何時有人會響 1 月 1 日同我講生日快樂，亦有人問我係咪真，哈哈～～

尋日會搞生日會，係因為響科大做時同事們一齊講幾時生日，當時係六月，我諗到我時大家都唔記得啦，所以就講出來，結果亞洲燈神竟然記得，於是就開始左每年一次o既生日會．．．

開心的地方唔係因為生日，一班朋友一齊出來開開心心咁玩已經好開心的了，去邊度玩唔太重要（對窮人來講只要負擔得起的玩樂已經係好玩樂了），所以事前阿李真真問想要乜野禮物，我真誠的答：「沒有」，雖然對於好多人，尤其係女孩子來講收禮物係一樣非常開心o既事情，但對我來講係無感覺。如果唔係認識左咁耐，我相信會答「你鍾意吧」、「不要太破費」之類的客套話。

許願時被人話好求期，因為唔夠一秒就許完，原因係剛剛被某人問我有咩「願望」，好多願望唔係一時間達到的，一步一步來吧。

玩左一日，好開心，好累（等得好累，行得好累，玩到差唔多通頂好累）

P.S. 唔好問我邊個係亞洲燈神同典解叫燈神．．．天資聰敏的你一定知道的．．．XD