鳳凰出現了

舊年打算今年年尾搬出o黎住，但好多原因下閣置o左：媽媽的病或多或少要照顧下，搬出o黎之後皮費又重o左計唔掂條數，點安置哥哥又未諗掂。估唔到「鳳凰」會突然間出現，最後家庭會議決定o左呢一兩個月內我會搬出來住，而媽媽就會返大陸住，好彩呢幾年都有留意樓市、睇過下樓，o的經驗而家有用喇。原本諗住轉工人工多少少，可以每個月儲多少少錢，估唔到開支又大o左。初步諗搵一個可以方便少少返工o既地方，始終數碼港實在太遠了，可能租間套房住一年半載，睇下地區環境同新工作至諗長遠少少o既計劃。

尋日先同朋友講秋高氣爽，今個月要搞多幾次郊遊團，似乎都無時間搞了，新工作要適應、又要搵屋、搬屋，希望聖誕前搞掂啦。

「鳳凰出現了」係「大戶的心聲」o既述語，表示出現某o的情況而可以行動咁解。